სადამრიგებლო საათები

არის თუ არა ცხოვრებაში ყოველთვის გმირობის ადგილი

(2014-2015 სასწ. წწ სადამრიგებლო საათი 18.02.2015 )

ხანგრძლივობა 45წ

მიმართულება : პიროვნული , მორალური და სოციალური განვითარება                     

მიზანი:

• მოსწავლეებმა უნდა  დაახასიათონ გმირობის არსი
• გააცნობიერონ  ყოველდღიურ ცხოვრებაში გმირული საქციელის ჩადენის რეალობა
• გაიხსენონ და დაასახელონ თანამედროვე  ქართველი და არა მარტო გმირები  

• საკლასო საათის დასაწყისში მასწავლებელი უსვამს შეკითხვებს მოსწავლეებს:

რა არის გმირობა ?

        მოსწავლეები სთავაზობენ თავის პასუხებს, მასწავლებელი აფიქსირებს მათ დაფაზე

• მასწავლელი სთხოვს მოსწავლეებს დაფიქრდნენ და დაასახელონ გმირის ის ქმედება   , რომლის ჩადენა თანამედროვე ადამიანს არ შეუძლია . მოსწავლეები მიდიან ლოგიკურ დასკვნამდე რომ საგმირო ქმედების ჩადენა დღესაც, ნებისმიერი ჩვენთაგანისთვის შესაძლებელია
• მასწავლებელი სთხოვს მოსწავლეებს დაასახელონ მათთვის ცნობილი 21 საუკუნის ქართველი (არამარტო) გმირები. ხ.პაპიაშვილმა გაიხსენა რუსთაველი ახალგაზრდა პოეტი ოთო გურგენიშვილი https://www.facebook.com/OtosPoetry , ს.გაფრინდაშვილმა ისაუბრა ავღანეთში დაღუპულ ქართველ ჯარისკაცებზე , მ.შავშიშვილმა  გაამახვილა ყურადღება  სატელევიზიო გადაცემაზე ,,იმედის გმირები” და ბავშვებმა აღნიშნეს ამ გადაცემის მორალური ღირებულება . მ.მუმლაძემ მოკრძალებით აღნიშნა , რომ ხშირად მშობელი შვილებისთვის ნამდვილი გმირია
• გაკვეთილის დასასრულს მასწავლებელი შეაჯამებს თემას

როგორ ვსწავლობთ ?

როგორ ვისწავლოთ უკეთ? 

(2014-2015 სასწ. წწ სადამრიგებლო საათი #2)

გამოყენებულია  გზამკვლევი  ,,სადამრიგებლო საათის პროგრამა "(5-9 კლ) თბ.2011

ხანგრძლივობა 45წ

მიმართულება : პიროვნული , მორალური და სოციალური განვითარება                     

მიზანი: 

• მოსწავლეებმა უნდა  გაანალიზონ საკუთარი მიდგომა ახალი ინფორმაციის ათვისებისადმი
•  გააცნობიერონ  მასალის ათვისების  ხალისშემწყობი/შემშლელი პირობები და 
• განსაზღვრონ საკუთარი  სწავლის სტილი 

საკლასო საათის დასაწყისში მასწავლებელი უსვამს შეკითხვებს მოსწავლეებს:

1. რომელი გაკვეთილის სწავლა გიყვართ ყველაზე მეტად და რატომ?

2.რა ხერხს მიმართავთ იმისთვის , რომ მასალას უკეთ დაეუფლოთ?

3.რა ფაქტორები გეხმარებათ , რომ მასალას უკეთ დაეუფლოთ?

4.რა ფაქტორები გიშლით ხელს რომ მასალას კარგად დაეუფლოთ ?

5. აქვს თუ არა მნიშვნელობა დროის ფაქტორს , რა დროს სჯობს მეცადინეობა?

პასუხების შეჯამების შემდეგ დამრიგებელი ესაუბრება მოსწავლეებს დამახსოვრების სტრატეგიების და სწავლის განსხვავებული სტილის შესახებ.

მასალის დამახსოვრების რამდენიმე ხერხი
ადამიანებს აქვს უნარი , ვაკონტროლოთ საკუთარი შემეცნებითი პროცესები . როგორ სჯობს მასალის დასწავლა , საჭიროა თუ არა მნიშვნელოვანი მომენტების გამოყოფა , შესასწავლი ტექსტის რამდენჯერმე გამეორება - ამ უნარებს მეტაშემეცნება ეწოდება.
აკრონიმები ანუ აბრევიატურა გვეხმარება შედარებით გრძელი სახელწოდებების დამახსოვრებაში აგ: ,,თსუ" - თბილისის სახელმწიფო უნივერსიტეტი
დამახსოვრების პროცესის გაადვილების ერთ-ერთი ხერხი არის ელემენტების კომბინირება . მაგ. რიცხვი 555 12 12 უფრო იოლია დასამახსოვრებლად ვიდრე ხუთი მილიონ ხუთასორმოცდათორმეტი ათას ორასთორმეტი.
დამახსოვრების ერთ-ერთი ხერხია , ასევე , კავშირების სისტემის გამოყენება. ადამიანმა უნდა მოახდინოს მასალის ვიზუალიზაცია (თვალნათლივ წარმოდგენა) და ჩამოაყალიბოს მხედველობითი ასოციაცია (კავშირი) მოცემულ ელემენტებს და სხვა ელემენტენს შორის. მაგ. პროდუქტების სია: პური , მარილი , ტყემალი , ყველი. მოცემული სიის დასამახსოვრებალდ ჯერ უნდა წარმოვიდგინოთ პური , შემდეგ მარილი , წარმოსახვაში უნდა დავაკავშიროთ პური და მარილი ერთმანეთთან , შემდეგ ამ კომპოზიციას ვუმატებთ ტყემალს და ა.შ. ეს ხერხი ძალიან ეფექტურია, თუმცა აქვს ხარვეზები. შეიძლება ვერ გავიხსენოთ პირველი კომპონენტი და ამის შემთხვევაში გაგვიჭირდება სხვა კომპონენტების გახსენება.
მეორე მეთოდი , რომელიც კავშირების სისტემას ეყრდნობა , არის ,,ადგილის მეთოდი" ჩვენ შეგვიძლია დასამახსოვრებული საგნები ,,მოვათავსოთ" სხავადასხვა ოთახში . მაგ. პური - სამზარეულოში , მარილი- საძინებელში, ტყემალი-აივანზე. მოგონება მოხდება ოთახების მიხედვით.
რატომ ვივიწყებთ ნასწავლ მასალას ?
დამრიგებელი აცნობს მოსწავლეებს დავიწყების მიზეზებს
ჩაქრობა - ადვილად ვივიწყებთ იმ მასალას რომელსაც ხშირად არ ვიხსენებთა და არ ვიყენებთ.
 დამახინჯება-მასალა რომელსაც ხშირად არ ვიხსენებთ შეიძლება მთლიანად არ გაქრეს მაგრამ აგვერიოს სხვა მასალაში . ამ შემთხვევაში გვახსენდება ცალკეული ფრაგმენტები მაგრამ არაადეკვატური კონტექსტიტ
განდევნა - არსებობს მოსაზრება , რომ ადამიანები ვივიწყებთ ჩვენთვის უსიამოვნო მოვლენებს
დამრიგებელი უხსნის მოსწავლეებს რომ თვითოეულს აქვს ინდივიდუალური სწავლის სტილი: ვიზუალური(თვალით)  , აუდიალური (მოსმენით), კინესტეტიკური (გაკეთებით)თვითოეულმა მოსწავლემ უნდა გაანალიზოს სწავლის რომელი სტილი არის მისთვის უფრო იოლია , მოსახერხებელი და ის აქტიურად გამოიყენონ  სწავლის დროს.